������Ƶ

Инклузивното образование е клучен елемент за градење на општество без бариери. Со цел да се поттикне емпатијата, меѓусебното разбирање и комуникациските вештини меѓу учениците, овој eTwinning проект има за цел да ги научи учениците без оштетен слух, на основите на знаковниот јазик преку разни активности со нивни врсници кои го користат како примарен јазик на комуникација. Проектот вклучува ученици на возраст од 10 до 15 години, наставници и специјални едукатори и рехабилитатори,, ликовни педагози, ИКТ наставници.. Преку низа интерактивни активности, работилници и игри, ќе се поттикне размена на знаења и вештини меѓу учениците, како и развој на емпатија и разбирање на разликите. Основната идеја на проектот е да се создаде инклузивна средина во која учениците со и без оштетен слух ќе соработуваат, разменуваат искуства и ќе учат едни од други. Активностите ќе вклучуваат интерактивни часови за основите на знаковниот јазик, креативни ликовни и драмски изрази за визуелизација на знаковниот јазик, употреба на ИКТ за креирање дигитални речници и видеа, како и организирање на настани за подигнување на свеста за предизвиците со кои се соочуваат лицата со оштетен слух. Очекувани резултати од проектот се подобрување на инклузивноста во училиштата, развој на нови наставни пристапи кои го поддржуваат учењето на знаковниот јазик и создавање на трајни образовни ресурси. Преку овој проект, учениците ќе научат не само нов јазик, туку и вредноста на различностите, почитувањето и значењето на ефективната комуникација.Со овој проект веруваме дека ќе создадеме училишна средина во која сите деца ќе се чувствуваат прифатени и ќе можат да го искажат својот потенцијал.