������Ƶ

Тој произлезе од соработката помеѓу европските социјални партнери во секторот на образование (ETUCE и Европската федерација на работодавци во образованието) и нивниот заеднички интерес за подобрување на состојбата на децата мигранти и бегалци во образованието.

Во извештајот се претставени и разработени разни организациски модели воспоставени насекаде низ светот од аспект на теориите и практиките за инклузија и интеграција. Покрај тоа, опишана е поддршката во процесот на учење, како и односите и дијалогот со актери од локалната и пошироката заедница.

Извештајот го разработува прашањето за тоа како одредени аспекти од образовните права на новопристигнатите ученици мигранти и бегалци се опишани и анализирани во истражувањата, како се пропишани во законодавството и како се спроведуваат во образовните практики низ Европа, а особено во Шпанија, Србија и во Белгија. Исто така, се осврнува на обемот и формите на социјален дијалог што се користат за ефективно интегрирање во образованието.

Некои од главните заклучоци од извештајот (достапни на англиски и на француски јазик) се:

• повик за повеќе инклузивни политики и практики засновани на поддршка;
• активно користење на мајчиниот јазик како средство за учење;
• распределба на дополнителни ресурси и професионален развој на наставниците; и
• модели за промовирање соработка со родителите, како и со локалната и пошироката заедница, кои ќе бидат повеќе изработени по мерка.