������Ƶ

Овие активности опфаќаат широк опсег на образовни нивоа, од предучилишнo до стручно образование, давајќи практични идеи кои можат да се приспособат на специфичните потреби на вашата училница.

Во активноста „Soothe Yourself!“ („Смири се себеси!“), малите деца можат да ги идентификуваат и изразатемоциите преку забавни вежби. Со помош на илустрирани картички, децата од предучилишно образование погодуваат различни видови чувства, што им помага да изградат емпатија и заеднички речник на емоции. Тие воедно создаваат и „кутија за самосмирување“, исполнета со утешни предмети коишто може да се извадат во време на емоционална потреба, на пример, кога се чувствуваат лути, носталгични или имаат потреба од помош за смирување. Тие се охрабрени да ја полнат кутијата со смирувачки предмети, драгоцени спомени и омилени песни. Оваа вежба им обезбедува едноставни стратегии за справување со стрес.

За учениците од основните училишта, „Dance for your wellbeing“ („Танцувај заради твоја благосостојба“) е активност која истражува како музиката и движењето можат да помогнат во управувањето со емоциите и да ја подобрат благосостојбата на училиште. Учениците заеднички ги истражуваат придобивките од танцот, изработуваат дигитални постери за да ги претстават своите сознанија и разменуваат креативни плејлисти со нивните партнерски паралелки.

Движењето, исто така, игра централна улога во „Move to happiness“ („Движи се кон среќа“), активност дизајнирана да им помогне на учениците од нижите средни училишта да ја истражат емоционалната, физичката и дигиталната благосостојба. Преку вежби засновани на движење, учениците размислуваат за своите емоции и набљудуваат како нивните врсници доживуваат слични чувства, што поттикнува емпатија и самосвест. Активноста, исто така, ја поттикнува креативноста преку развивање кампањи на социјалните медиуми и уметнички иницијативи.

Постарите ученици можат да учествуваат во активноста „You have to do it by yourself, but never alone“ („Треба да го направиш самостојно, но никогаш сам/-а“), којашто се фокусира на развивање стратегии за справување. Откако ќе се осврнат на методите за справување што ги користеле како деца, учениците ќе разговараат за тоа колку е важно да се бара поддршка и да се истражуваат нови начини за управување со стресот. Со изработка на акциски планови за различни сценарија, тие практикуваат вештини за решавање проблеми и врсничка поддршка.

Конечно, преку активноста „Are you mentally aware?“ („Дали сте ментално свесни?“), учениците од стручните училишта ја истражуваат менталната благосостојба преку идентификување на нивниот идеален баланс помеѓу работата и приватниот живот. Работејќи во меѓународни групи, тие дизајнираат кампањи за подигање на свеста на теми како што се управување со стрес и анксиозност. Заедно, тие изработуваат информативни материјали за стратегии за справување и ресурси за поддршка. Оваа активност ги поттикнува учениците да преземат одговорност за сопственото ментално здравје и промовира отворени разговори во училишната заедница.

Разгледајте ги подетално овие активности со фазни описи во .