������Ƶ

Оваа учебна година, еТвининг се фокусира на граѓанското образование, со акцент на активно граѓанство, критичко размислување и учење за ЕУ и за нејзините вредности.

Во за 2024-2029 година, претседателката на Европската комисија Урсула вон дер Лајен ја истакнува потребата од заштита на демократијата, вклучување на граѓаните во носењето на одлуките, поддршка на младите луѓе и промовирање на споделените европски вредности.

еТвининг ќе се надоврзе на ова на тој начин што ќе ги охрабри наставниците и учениците да учествуваат во проекти и дискусии за инклузија, еднаквост, човекови права и демократија за време на учебната 2024–2025 година. Целта е да се промовираат овие теми преку:

• Зајакнување на граѓанското образование во рамки на проектите на еТвининг за наставници и ученици.
• Заедничко работење и учење за разноликоста на ЕУ и развивање посилно чувство на европска заедница.
• Подучување и учење за тоа како ЕУ функционира и што тоа значи.
• Истражување и дискутирање за разновидните примени на европските фундаментални вредности и граѓанство преку директна соработка со други наставници од различни земји.
• Развивање вештини за критичко размислување и учење како да се анализираат информациите од различни извори.
• Градење активна мрежа на наставници посветени на промовирање активно граѓанство, критичко размислување и европски вредности.

еТвининг се стреми да ги вклучи семејствата, заедниците и невладините организации, за тие да им помогнат на наставниците и на учениците целосно да искусат што значи да бидат активни граѓани.

Нова онлајн група ќе им обезбеди на наставниците ресурси и активности посветени на годишната тема, започнувајќи од октомври и продолжувајќи во текот на учебната година.

Придружете се на групата посветена на годишната тема сега и бидете во тек со најновите новости и настани.