������Ƶ

პროექტი ,,მწვანე აფთიაქი“ მნიშვნელოვან კავშირშია ადამიანების ყოველდღიურ ცხოვრებასთან. სოფელი იფარი მდებარეობს ალპურ ზონაში. აქ მკაცრი კლიმატური პირობებია. შესაბამისად გავრცელებულია ისეთი მცენარეები, რომლებიც ამ პირობებს კარგად ეგუება. სოფელში ბევრი სამკურნალო მცენარეა. მოსახლეობის უმრავლესობამ არც კი იცის, რა სარგებლობის მომტანია თითოეული მათგანი ადამიანის ჯანმრთელობისთვის. პროექტში ჩაერთნენ მე-2-მე-4 კლასის მოსწავლეები. ავირჩიეთ 4 მცენარე: მოცვი, კუნელი, ასკილი და ტუხტი.სამკურნალო დანიშნულებისთვის გამოიყენება როგორც ნაყოფი, ისე ყვავილი. მოვიძიეთ მოსახლეობის ხელთ არსებული უძველესი რეცეპტები. ბავშვებმა ინტერნეტში მოიძიეს ყველაფერი ამ მცენარეების შესახებ: მათი ზრდა-განვითარების, შემადგენლობის, სამკურნალო დანიშნულების შესახებ. შევხვდით სოფლის ექიმს , მესტიიდან მოვიწვიეთ ფარმაცევტი. ამ შეხვედრაზე მოვიწვიეთ მოსწავლეთა მშობლები, როგორც უმცროსკლასელების, ასევე უფროსკლასელების. პროექტის განხორციელების ვადები:2021 წლის მარტი-ნოემბერი.