Ƶ

Skip to main content
sekerinka spasova
gorica smilkova
securer
Anamarija Mitrikeska Kalceva
100. dan škole Udruge Zvono 2025pages
European School Education Platform
Project kits

Галерија за дигитално граѓанство

Овој проектен комплет дава идеи како да им се помогне на средношколците да станат одговорни дигитални граѓани.
teenager with a backpack looking at his phone
Image source: Drazen_ from Getty Images Signature

Преку интерактивни активности, како што се дискусии, квизови и концептни мапи, учениците можат да развијат силни вештини за дигитална писменост. Тие можат да соработуваат на меѓународно ниво за да ги завршат задачите, да изработат виртуелни галерии и да водат дневници за учење. Проектот завршува со уметничко попладне каде што ќе го покажат сработеното пред училишната заедница и локалните експерти.

Objectives
  • Унапредување на дигиталната писменост и на критичкото размислување
  • Промовирање ефективна комуникација и соработка 
  • Поттикнување креативност и практики на размислување
  • Создавање свест за дигиталните права и одговорности 
Покажи повеќе
Introduction of partners

Постер за дигиталниот живот

Наставниците можат да ги прашаат учениците која апликација ја користат најмногу. Наставниците потоа создаваат нишка на форумот за секоја апликација и учениците се претставуваат себеси во нивната омилена апликација, објаснувајќи зошто ја користат и што им се допаѓа кај неа. Другите ученици можат да одговорат на тие објави и да коментираат доколку ја користат истата апликација или некоја слична.

 

Тест за дигитално граѓанство 

Во рамки на видеоповик, учениците можат да учествуваат во виртуелна активност за кршење на мразот со полагање тест за дигитално граѓанство, осмислен од наставниците, со цел да се оцени нивното претходно знаење и да се истражат нивните моментални односи со дигиталните технологии. Темите може да вклучуваат безбедност на интернет и приватност на податоците, онлајн репутација и дигитален отпечаток, кибермалтретирање, информациска писменост и лажни вести и дигитална благосостојба.

Покажи повеќе
Orientation

Концептна мапа

Наставниците може да дадат детално објаснување за дигиталното граѓанство, по што учениците се делат во мали групи за да изработат концептни мапи на темата. Секоја група ќе истражува различни аспекти, како што се дигитална писменост, безбедност, права и благосостојба, а потоа ќе ја сподели својата мапа со другите во паралелката за дискусија. Целата паралелка соработува за да изработи колективна мапа која ќе биде споделена на TwinSpace заедно со мапите на индивидуалните групи.

 

Дигитално истражување

Наставниците би можеле да состават листа на задачи за различни аспекти на дигиталното граѓанство за да го продлабочат разбирањето на учениците, вклучувајќи написи за законите за дигитална приватност, студии на случај за кибермалтретирање и совети за безбедноста на интернет. Потоа, учениците ќе бидат поделени во мали меѓународни групи (4-6 групи) за да ги завршат задачите и да ги документираат нивните наоди во заедничка датотека. Откако ќе се завршат сите задачи, секоја група ќе го претстави сработеното во рамки на заеднички видеоповик.

Покажи повеќе
Communication

На секоја меѓународна група може да ѝ се доделат специфични теми – дигитална писменост, безбедност, права или благосостојба – со цел да се создаде виртуелна галерија. Групата ќе ја истражува темата што ѝ е доделена, ќе ги идентификува клучните прашања и ќе интервјуира локални експерти за да добие подетален увид. Секој ученик во групата може да предложи прашање за експертот, а снимената сесија подоцна ќе биде додадена во нивната виртуелна галерија.

Покажи повеќе
Collaboration

Учениците треба да ги документираат своите истражувања и наоди во споделена датотека и да соработуваат за да создадат виртуелна галерија посветена на нивната тема за дигитално граѓанство. Галеријата ќе содржи клучни прашања, најдобри практики, совети и експертски интервјуа. Учениците подоцна би можеле да ја претстават и објаснат својата галерија на онлајн состанок.

Покажи повеќе
Evaluation & Assessment

Врсничко оценување

Учениците може да водат дневник за учење во текот на проектот за да се осврнат на нивниот напредок и на тимската работа. Овие дневници ќе им помогнат да пополнат табела за бодување, обезбедена од наставниците, за врсничко оценување врз основа на комуникациски вештини, придонес и други критериуми. 

Оценување на наставниците

Наставниците потоа ќе можат да ги оценуваат учениците користејќи ги оценките од врсници заедно со табела за бодување на проекти што ги зема предвид креативноста, комплетноста, соработката и презентирањето, заедно со истражувањето и дигиталните вештини.

Покажи повеќе
Follow up

Документирање

Сите проектни активности, од почетните постери до истражувањето за дигиталното граѓанство, ќе бидат прикажани во виртуелната уметничка галерија и споделени на TwinSpace кој вклучува врска до галеријата.

Дисеминација

Паралелката може да биде домаќин на уметничко попладне каде што ќе ги поканат училишната заедница (ученици и персонал) и родителите да прошетаат низ сите нивни виртуелни галерии. Тие би можеле да создадат и повеќе физичка уметност за да им дадат на гледачите поцелосно сеопфатно искуство. Исто така, би можеле да ги поканат локалните експерти што ги интервјуирале претходно да одржат работилници или главни излагања за училиштето и родителите. 

Покажи повеќе

Additional information

  • Age from:
    12
  • Age to:
    15
  • Difficulty:
    Advanced
  • Education type:
    School Education
  • Target audience ISCED:
    Lower secondary education (ISCED 2)
    Upper secondary education (ISCED 3)

School subjects

Art
Citizenship
Cross Curricular
Design & Technology
Ethics
European Studies
Informatics / ICT
Language & Literature
Media Education
Social Studies / Sociology
Technology

Key competences

Citizenship
Digital
Literacy
Personal, social and learning to learn