������Ƶ

Raymon van den Berg, director

„Helder havo/vwo“ е училиште за ученици коишто се дијагностицирани во спектарот на аутизам: АДД, АДХД или со потреба од слична поддршка. Нашето училиште беше основано пред околу години на барање на регионот, бидејќи забележавме дека на секундарно (havo/vwo) ниво овие ученици се осипуваа од училишниот систем и завршуваа дома, и забележавме дека покажуваат значително слаби резултати.

Им понудивме место каде што можат да се образуваат на безбеден и структуриран начин - традиционално училиште со посебна поддршка.

Maarten van der Velden - teacher

„Helder“ е училиште каде структурата и јасноста се важни за нашата целна група. Тоа започнува со стартување на секој ден со „дневен старт“, каде менторот и тренерот веднаш воспоставуваат контакт со учениците, со оние што ги менторираат, за да ги прашаат како се. 

Тоа подразбира поминување на денот на предвидлив начин: да се прегледа распоредот, да се провери дали носат сѐ со себе, дали домашната работа е завршена, кои тестови ги имаат тој ден или дали има некакви промени во училниците.

Davida de Maat - student

Во моето старо училиште имаше многу помалку контакт со менторот – тоа е првата голема разлика. Да, затоа што во ова училиште сега имаме получасовен „дневен старт“ секое утро, при што можеш да разговараш со менторот и можеш да поставуваш прашања и ако ти треба помош, тие се тука за тебе.

Maarten van der Velden - teacher

За време на дневниот старт и на менторските сесии, особен фокус е ставен на тоа како треба да водат интеракција едни со други. Ова е воедно неопходно за оваа целна група, на која ѝ се потребни јасни рамки и граници и не секогаш знаат како да се координираат едни со други.

Тоа честопати го правиме во форма на активности, како игри, и во тие игри учениците се групирани заедно, а менторот ја надгледува играта на начин што и тие учат како да работат заедно.

Raymon van den Berg, director

Секој ден има слична структура: фиксно време на почеток, фиксно време на крај, распоредите не се менуваат, часовите не се откажуваат. И во рамки на оваа структура ние работиме заедно.

Покрај ова, имаме мошне голема безбедносна мрежа за екстра поддршка во социо-емоционалната област, за да функционираат оптимално од когнитивен аспект и да бидат социјално-емоционално подготвени да направат чекор кон целосно традиционално училиште каде екстра поддршката не е присутна или е присутна помалку.

Selma Simonis - parent

Во силни страни на „Helder“ спаѓаат јасноста што ја нуди од аспект на неделниот распоред, дневниот распоред. Кога едно дете ќе дојде на училиште тоа знае што се очекува од него и го разбира тоа уште пред да почне првиот час, и сѐ што не е јасно тогаш може да се разјасни.

Hanneke Groenewegen - teacher

Нам ни е најважно е триаголникот родител-ученик-училиште да функционира добро. И се разбира, да имаме и многу добра соработка со поддршката што нашите ученици ја добиваат надвор од училиштето.

Мислам дека најважно е учениците да научат да се справуваат со себе, со своето однесување. И мислам дека тоа е многу важно за деца коишто се во спектарот (на еден или на друг начин), но сите деца треба да бидат во можност да го направат тоа.

Maarten van der Velden - teacher

Ние сме место каде што на учениците им е дозволено да грешат, каде тие учат. И се разбира, тоа се случува и надвор од училиште, но овде, особено со поддршка од нашата стручност како наставници, добро е што тие можат да ги направат тие грешки.

И дефинитивно, ако имаш аутизам или АДХД, и не разбираш во целост како функционира светот, убаво е кога има некој да се сослуша некој да ти помогне, чекор по чекор, да стекнеш разбирање за светот.

Selma Simonis - parent

Исто така, има помалку прекумерна стимулација. Така што, детето оди помирно на училиште и се враќа помирно дома и со тоа, подобро може да учи.

Davida de Maat - student

Навистина гледам светла иднина и мислам дека сѐ ќе биде во ред. Стекнав голем број алатки овде и научив како да се справувам со ситуации. И имам самодоверба дека можам да успеам сама и дека ќе биде во ред.