������Ƶ

სსიპ ასპინძის მუნიციპალიტეტის სოფელ ხიზაბავრის საჯარო სკოლა გაიხსნა 1881 წლის 21 ნოემბერს. სკოლის დაარსებაში უდიდესი წვლილი მიუძღვის ივანე გვარამაძეს ,რომელმაც წერილი მისწერა თავად ილია ჭავჭავაძეს და სთხოვა სკოლის გახსნაში დახმარება. ილია ჭავჭავაძემ დახმარება აღუთქვა და სიტყვა საქმედ აქცია. იმ პერიოდში ,,გაზეთი ,,დროება“ იტყობინებოდა რომ ,,ჩვენ გვატყობინებენ, რომ ახალციხის კარგა მოშორებით, მესხეთისკენ სოფელ ხიზაბავრაში ივანე გვარამაძეს გაუმართავს სკოლა, რომელშიდაც სწავლას დაიწყებენ ამ შემოდგომაზე. .. თავდაპირველად სკოლა ორკლასიანი საეკლესიო სასწავლებელი იყო და სწავლა მიმდინარეობდა ზამთრის თვეებში, ასწავლიდნენ ანგარიშს, დედაენას, ხელსაქმეს, რუსულ ენას და საღმრთო სჯულს“ ( წყარო: ,,ხიზაბავრის მეგზური”ავტორი მ.ველიჯანაშვილი,1974წ) ხიზაბავრის სკოლა დაარსებიდან რამდენიმე წლის შემდეგ გადაკეთდა ოთხკლასიან სკოლად, რომელმაც იარსება 1921 წლამდე, 1925 წელს სკოლა შვიდწლედად გადაკეთდა, ხოლო 1935 წელს საშუალო სკოლად. ამჟამად ფუნქციონირებს საშუალო სკოლა, კეთილმოწყობილი ორსართულიანი შენობით, სადაც სწავლობს 51 მოსწავლე. სკოლამ თავისი არსებობის მანძილზე არაერთი ღირსეული პიროვნება აღზარდა,რომლებმაც ღირსეული ადგილი დაიკავეს ქვეყნის განათლების საქმეში. მაგ: ნატო ყრუაშვილი პედაგოგიკის დოქტორი, სამცხე-ჯავახეთის სახელმწიფო უნივერსიტეტის ასოცირებული პროფესორი, სამცხე-ჯავახეთის ისტორიის მუზეუმის მეცნიერ-თანამშრომელი. რევაზი ველიჯანაშვილი ქ.თბილისის პოლიტექნიკური ინსტიტუტის ასოცირებული პროფესორი.